Олимпод оролцсон ахмад тамирчдад хүндэтгэл үзүүлэв

Монголын үндэсний олимпийн хороо, Монголын үндэсний олимпийн академи, Нийслэлийн ерөнхий боловсролын спортын төв сургуулиас 1964, 1968 оны өвөл, зуны олимпийн наадамд оролцсон ахмад тамирчдад хүндэтгэл үзүүлжээ.

Энэ жил тав дахь удаагаа зохиогдож буй уг ёслолд хөдөлмөрийн баатар, гавьяат тамирчин, дархан аварга Х.Баянмөнх, ардын багш, гавьяат тамирчин, улсын харцага Д.Сэрээтэр, гавьяат тамирчин Л.Цэнд, олон улсын хэмжээний мастер Р.Алданыш, Я.Баатар, Д.Норолхоо тэргүүтэй олон ахмад буурал уригдан өсвөрийн тамирчдад үнэт зөвлөгөөгөө хайрлаж, амжилт хүсчээ.