“Онцгой бэлэг-2” гэрэл зургийн үзэсгэлэнгийн нээлт боллоо

Дауны хам шинжийг олон нийтэд зөвөөр таниулах дэлхийн өдөр гуравдугаар сарын 21-нд болсонтой холбогдуулан “Онцгой бэлэг-2” гэрэл зургийн үзэсгэлэнг дахин зохион байгуулаад байна.

“Аз жаргал, хөөр баяр түгээнэ” агуулгатай дээрх үзэсгэлэнгээр дамжуулан дауны хам шинжтэй хүүхдүүдийн онцлог, хүсэл тэмүүлэл, мөрөөдөл, аз жаргал, хөөр баяраас гадна нийгмийн хамгийн эрхэм үнэт зүйл болох гэр бүлийн амин чанарыг харуулахыг зорьдог аж.

Энэ жилийн үзэсгэлэн дауны хам шинжтэй хүүхдүүд, тэдний гэр бүлийн тэрхүү хүслийг олон нийтэд хүргэхээр зорьж байна.

Үзэсгэлэнгийн нээлт өчигдөр Хүннү молл төвд боллоо.