“Оны шилдэг бүтээл-2022” үзэсгэлэн энэ сарын 7 хүртэл үргэлжилнэ
Дүрслэх урлагийн шилдэг бүтээлийг улсын санд худалдан авах ёслол “Соёлын бүтээлч сар” аяны хүрээнд зохион байгуулсан тус үзэсгэлэнд 96 уран бүтээлч уран зураг, график, уран баримал, сийлбэр, инсталляци, холимог техникийн төрөлд 131 бүтээл ирүүлжээ.
Мэдээллийн алба
Монголын уран зургийн галерейн их танхимд нээгдсэн “Оны шилдэг бүтээл-2022” үзэсгэлэн энэ сарын 7 хүртэл үргэлжилнэ.
Монгол Улсын Засгийн Газрын 2006 оны “Журам батлах тухай” 115 дугаар тогтоолын хоёрдугаар хавсралтаар батлагдсан “Дүрслэх урлагийн шилдэг бүтээлийг улсын санд худалдан авах журам”-ын дагуу шилдэг бүтээлийг шалгаруулж, улсын санд худалдан авах, уран бүтээлчдийг сурталчлах зорилготой юм.
Дүрслэх урлагийн шилдэг бүтээлийг улсын санд худалдан авах ёслол “Соёлын бүтээлч сар” аяны хүрээнд зохион байгуулсан тус үзэсгэлэнд 96 уран бүтээлч уран зураг, график, уран баримал, сийлбэр, инсталляци, холимог техникийн төрөлд 131 бүтээл ирүүлжээ.
Соёлын сайдын 2022 оны А/355 дугаар тушаалаар томилогдсон орон тооны бус Мэргэжлийн зөвлөлийн санал, дүгнэлтийн дагуу журамд заасан төрөл ангилалд хамаарахгүй, үзэсгэлэнгийн шаардлагад нийцэхгүй 34 бүтээлийг хасч, 97 бүтээлийг нэг шатад шалгаруулсан байна.
