Орон нутгийнхаа 400 гаруй иргэнийг ажлын байраар хангажээ

Байгалийн зэрлэг жимс жимсгэнээр олон төрлийн бүтээгдэхүүн хийж, хүн амыг экологийн цэвэр бүтээгдэхүүнээр хангадаг үйлдвэр орон нутагт байна.

Орон нутгийнхаа 400 гаруй иргэнийг ажлын байраар хангадаг “Завханы баялаг” компани байгалийн цэвэр хүнсний бүтээгдэхүүн үйлдвэрлэдэг. Тус үйлдвэр 5 цех ажиллуулж, чацарганаар баялаг жүүс хийж, цэвэр тосыг нь мөн гарган авдаг. Мөн чонын элэг, нэрс, тошлой зэрэг зэрлэг жимсний цэвэр жүүсээр байгалийн олон төрлийн амин дэм агуулсан бүтээгдэхүүн хийдэг. Цаашид зах зээлээ улам тэлж, улс орныхоо хүнсний хэрэгцээг хангахыг зорьж байгаагаа “Завханы баялаг” компанийн захирал Г.Түвшинбат хэллээ.