ОУ-ын Паралимпийн хорооны ерөнхийлөгчийн хэлсэн үгэнд үзэгчид ихэд талархав

Олон улсын Паралимпийн хорооны ерөнхийлөгч Андрью Парсонс “Бээжин-2022” паралимпийн наадмын нээлтэд хэлсэн үгийг үзэгчид ихэд талархан хүлээн авав.

Тэрбээр “Паралимпийн орон орны тамирчид цугларсан нээлтийн энэ оройг дэлхийн энх тайвны тухай мессежээр эхлэх учиртай гэж бодож байна. Бидний амьдарч буй зуун бол дайн, үзэн ядалтын эрин биш, яриа хэлэлцээр, дипломат харилцааны орчин үе юм. Бид мөргөлдөөнгүй, ялгаварлан гадуурхалт, үзэн ядалтгүй ертөнцийг бий болгохыг зорьж байна. Хамтдаа амьдарч байгаа газар дэлхий хэзээ ч хуваагдаж болохгүй" гэсэн юм.