Паралимпийн жүдочид Португал улсыг зорино

Монголын паралимпийн жүдо бөхийн холбооны тамирчид дөрвөн жил тутамд нэг удаа зохион байгуулагддаг ДАШТ-д оролцохоор Португал улсын Одивелас хотыг маргааш зорино.

Тус баг тамирчдыг үдэн гаргах ёслол өнөөдөр болж, МПЖБХ-ны ерөнхийлөгч Х.Эрдэнэбаатар болон удирдах зөвлөлийн гишүүд, Биеийн тамир, спортын газрын Үндэсний шигшээ багийн ахлах дасгалжуулагч хөдөлмөрийн баатар, ардын багш, гавьяат дасгалжуулагч Ч.Насантогтох нар оролцон амжилт хүслээ.