Сара Сьёстром дэлхийн аваргаас 4 алтан медаль хүртлээ

Эмэгтэйчүүдийн 50 метрийн чөлөөт сэлэлтийн шигшээ уралдаанд энэ өдөр Шведийн нэрт тамирчин Сара Сьёстром 23.69 секундын амжилтаар тэргүүн байрт шалгарлаа. Түүний хувьд хагас шигшээ уралдаандаа 23.67 секундын хугацаанд замаа туулж, энэ зай төрлийн дээд амжилтыг шинэчлэн тогтоогоод байсан юм. Сара Сьёстром ийнхүү энэ жилийн дэлхийн аваргын тэмцээнийг 4 алтан медаль хүртсэн амжилттайгаар өндөрлүүллээ.