Сарлагийн баяр болно

"Сайхны сарлаг" сарлагийн баярын арга хэмжээг 2012 оноос хойш уламжлал болгон зохиосоор ирсэн. Харин энэ жилийн хувьд тавдугаар сарын 28-нд Говь гурван сайхан уулын Ёлын аманд "Сайхан сарлаг-2016" тэмцээнийг зохион байгуулахаар болжээ. Тус арга хэмжээний хүрээнд буухиа тэмцээн, шилмэл бух, шилмэл үнээ шалгаруулж, сарлаг болон бусад малын сүү, цагаан идээ, ноос ноолууран бүтээгдэхүүний үзэсгэлэн худалдааг дэлгэх ажээ.