Сэлэнгэ аймагт 4.0 магнитутын хүчтэй газар хөдөлжээ

Сэлэнгэ аймгийн Хүдэр сумын Тарвагатай багийн “Соронзон-Уул” гэдэг газар өчигдөр 17:35 цагт 4.0 магнитутын хүчтэй газар хөдөлжээ. Сумын төвөөс зүүн өмнө зүгт 32 км-т орших тус газарт газар хөдлөлт болсон тухай мэдээллийг 2017.03.27-ны өдрийн 17:55 цагт ООГХ-гээс цахим шуудангаар ирүүлсэн байна.

Сэлэнгэ аймгийн Онцгой байдлын газраар дамжуулан Хүдэр сумын Засаг дарга Д.Пүрэвдорж, Ерөө сумын Засаг дарга М.Ганбаатар нараас тодруулахад иргэдэд чичирхийлэл мэдрэгдсэн, хохирол учраагүй гэж мэдээллээ.