Сэм Кэндрикс тулгууртай харайлтын дэлхийн аварга боллоо

Английн Лондоны хотноо болж байгаа 2017 оны хөнгөн атлетикийн ДАШТ-ий эрэгтэйчүүдийн тулгууртай харайлтын төрлийн тэмцээн энэ өдөр болж, АНУ-ын 24 настай шилдэг залуу тамирчин, өнгөрсөн зуны риогийн олимпийн хүрэл медальт Сэм Кэндрикс 5.95 метр өндрийг давсанаар анх удаа дэлхийн аваргын тэмцээний алтан медалийн эзэн боллоо. 2-р байрт Польшийн Пиотр Лишек шалгарсан бол олимпийн наадмын алт, мөнгөн медальт, дэлхийн дээд амжилтыг эзэмшигч Францын алдарт тамирчин Рено Лавиллень дэлхийн аваргын тэмцээний 4 дэх хүрэл медаль хүртлээ.