Солонгос хоолны газраас их хэмжээний нохойн мах илрүүлжээ
Дүүргийн Мэргэжлийн хяналтын хэлтэс уг нохойны махыг зориулалтын дагуу устгаж, хоолны газрын үйл ажиллагааг тор зогсоосон байна.
Мэдээллийн алба
Чингэлтэй дүүргийн Мэргэжлийн хяналтын хэлтэс өнгөрсөн сард солонгос хоолны газар нохойн махаар хоол хийж байна гэсэн Төрийн бус байгууллагаас ирүүлсэн мэдээллийн дагуу “Пхеньяан” гэх солонгос хоолны газрын үйл ажиллагаанд шалгалт хийжээ.
Шалгалтаар тус хоолны газраас 7.2 кг нохойн мах илрүүлсэн байна. Дүүргийн Мэргэжлийн хяналтын хэлтэс уг нохойны махыг зориулалтын дагуу устгаж, хоолны газрын үйл ажиллагааг тор зогсоосон байна. Мөн холбогдох хуулийн дагуу тус байгууллагад 960.0 төгрөгийн төлбөр ногдуулжээ.
Дашрамд дурьдахад, “Пхеньяан” гэх солонгос хоолны газар нь “Эм Би тэмүүлэл” ХХК-ийн харьяанд байдаг бөгөөд Чингэлтэй дүүргийн гуравдугаар хороо, Уртцагааны худалдаа үйлчилгээний төвийн наймдугаар корпусын хоёр давхарт үйл ажиллагаа явуулдаг байна.
