Сонгогчдын боловсролд чиглэсэн хөтөлбөр гаргажээ

Монгол Улсын Үндсэн хуульд “Монгол Улсын иргэн нь шууд буюу төлөөлөгчдийн байгууллагаараа уламжлан төрийг удирдах хэрэгт оролцох эрхтэй. Сонгох эрхийг арван найман наснаас эдэлнэ” хэмээн иргэний сонгох, сонгогдох эрхийг баталгаажуулсан байдаг.

Сонгогч танд хуулиар олгосон үндсэн эрхээ хэрэгжүүлэхэд Сонгуулийн ерөнхий хороо нэгдсэн бодлого, зохион байгуулалт, мэдлэг, мэдээллээр хангана. Энэ агуулгаар тус хорооноос иргэдийн улс төрийн оролцоо, сонгогчийн боловсролыг нэмэх чиглэлд ямар ажил эхлүүлсэн талаар тодрууллаа. Хороо сонгогчдын боловсролд чиглэсэн хөтөлбөр гарган ажилдаа оржээ. Энэ хүрээнд 70 орчим ажил хийхээр эрэмбэлсэн байна.

Сонгуулийн ерөнхий хорооны Мэдээлэл судалгаа, сургалтын төвийн референт н.Нямсүрэнгийн ярианд анхаарлаа хандуулъя.

Mongolian National Radio · Сонгогчдын боловсролд чиглэсэн хөтөлбөр гаргажээ

Сонгууль гэдэг иргэдийн дуу хоолойг бүрэн илэрхийлэх, төлөөллийн ардчиллыг бэхжүүлэх бодлогын индэр юм.

Иймээс мэдээлэлтэй, хариуцлагатай сонгогчийг сонгуульд оролцуулахын тулд холбогдох байгууллагууд үнэн зөв, нарийвчлалтай алдаа мадаггүй, оновчтой мэдээллийг зохион байгуулалтайгаар түгээх нь туйлын чухал гэдгийг иргэний нийгмийнхэн хэллээ.