Такси үйлчилгээ эрхэлж байгаа хүмүүсийн аюулгүй байдлыг хянах тусгай систем хэрэгтэй байна

"Цагийн хүрд" мэдээллийн хөтөлбөр: Таксинд явахаар гэрээсээ гарсан 54 настай иргэн бусдын гарт амь насаа алджээ. Энэ хэрэг өнгөрсөн мягмар гарагт буюу энэ сарын 12-ны өдөр нийслэлийн Сонгинохайрхан дүүргийн нутаг дэвсгэрт гарчээ. Албаны эх сурвалжийн өгч байгаа мэдээллээр нас барсан иргэн хувийн автомашинаараа такси үйлчилгээнд явдаг. Гэрээсээ 11-ний өдөр таксинд явна гэж гараад сураггүй болж, 12-ны өдөр нас барсан байдалтай Сонгинохайрхан дүүргийн 24-р хороо Баруунсалааны Бумбатын орчим дахь айлын хашаанаас олдсон байна. Тэгвэл бид энэ удаа такси үйлчилгээнд явж байгаа жолооч болон үйлчлүүлэгчийн аюулгүй байдлыг яаж хянаж болох асуудлыг хөндөж байна.