“Талын салхи-2023” мото фестиваль өнөөдөр болно

Нийслэлийн Аялал жуулчлалын газраас “Чингис” клубтай хамтран мото спорт сонирхогчдын дунд “Талын салхи” олон улсын мото фестивалийг долоо дахь жилдээ зохион байгуулах гэж байна.

“Талын салхи-2023” фестиваль 2023 оны зургаадугаар сарын 10-нд болох бөгөөд нээлтийн арга хэмжээ 12:00 цагаас Сүхбаатарын талбайд болно.

Энэ удаагийн мото наадамд 21 аймгийн спорт клуб болон ОХУ, БНХАУ, БНСУ-аас 170 гаруй оролцогч ирж оролцох аж.

Мото наадамд оролцогчид 12:00 цагт Жанжин Сүхбаатарын талбайд цуглаж, 16 цагаас бүх моточид цуваа болон "Чингисийн хүрээ цогцолбор" руу хөдөлнө.

Мөн өдрийн 18:00 цагт "Чингисийн хүрээ цогцолбор"-т энтертайнмент шоу болох юм байна.