Тархвар судлаачдын үндэсний II зөвлөгөөн болж байна

Өчигдөр буюу энэ сарын 7-нд “Эрүүл мэнд–Аюулгүй байдал” сэдвийн хүрээнд Эрүүл ахуйч, тархвар судлаачдын үндэсний II зөвлөгөөн Төрийн ордны их танхимд эхэллээ. Хоёр өдөр үргэлжлэх эл зөвлөгөөнийг ЭМЯ, ДЭМБ, УМХГ, НЭМҮТ, ХӨСҮТ, Зоонозын өвчин судлалын төв, МХЕТ, НМХГ хамтран зохион байгуулж байна. Хуралд Монгол Улсын эрүүл ахуй, халдвар судлалын салбарт ажиллаж буй нийслэлийн болон орон нутгийн 500 гаруй төлөөлөгчид оролцож байна.

Тус эрдэм шинжилгээний бага хурал нь хүн амыг өвчин эмгэгээс хамгаалах, сэргийлэх асуудлын цаашдын чиг хандлагыг салбарын судлаачид, эмч, мэргэжилтнүүдийн оролцоотойгоор тодорхойлох зорилготой аж.