“Тбилисийн их дуулга” тэмцээнд МУГТ Ц.Цогтбаатар, Л.Энхрийлэн тэргүүтэй 9-н тамирчин өрсөлдөнө

Дэлхийн чансааны оноо олгох “Тбилисийн их дуулга” тэмцээн энэ сарын 20-22-нд Гүрж улсын Тбилис хотноо болно. Энэхүү тэмцээнд ахлах дасгалжуулагч У.Эрдэнэбаатарын удирдлага дор МУГТ Ц.Цогтбаатар, Л.Энхрийлэн тэргүүтэй 9-н тамирчин өрсөлдөхөөр өнөөдөр эх орноосоо мордлоо.

Эрэгтэй жингийн -60 кг-д Б.Сүхбат, Н.Мэндсайхан, -66кг-д ДАШТ-й хүрэл медальт К.Ёолк, Ө.Жанцандорж, -73кг-д Олимпын наадмын хүрэл медальт, Дэлхийн аварга МУГТ Ц.Цогтбаатар нар хүч үзнэ. Харин эмэгтэйчүүдийн -48кг-д А.Мишээл, -57кг-д Өсвөрийн дэлхийн аварга М.Цэндбазар, -63кг-д ДАШТ-й хошой хүрэл медальт, МУГТ Л.Энхрийлэн, -78кг-д Ж.Урангоо нар барилдана.