Тойрог зам дахь сансрын хогийг зайлуулах япончуудын эхний оролдлого бүтэлгүйтлээ

Тойрог зам дэх сансрын хогийг зайлуулах Японы нисэгчгүй ачаа тээврийн "Конотори 6" онгоцны эхний оролдлого бүтэлгүйтжээ. Үүний өмнө сансрын хогийг зайлуулах туршилтыг өнгөрсөн 28 нд хийсэн ч мөн л бүтэлгүйтсэн юм. Японы "Коноторо 6" хөлөг өнгөрсөн оны сүүлчээр Олон улсын сансрын станцад очсон юм. Тус станцаас амжилттай салгагдсан хэдий ч 700 метрийн урттай цахилгаан цэнэг бүхий утсаа бүрэн гаргаж чадаагүй байна.

Энэ утас нь дэлхийн соронзон орны нөлөөгөөр сансрын хөлөгт агаар мандалд гарч, орж, зогсох боломжийг ч бүрдүүлж өгөх ёстой юм байна. Сансрын хогийг цэвэрлэх дараачийн оролдлогыг ирэх сарын 4-нд хийхээр төлөвлөсөн. Хэрэв энэ туршилт амжилттай болж чадвал Японы сансрын уудмыг судлах агентлагийнхан ийм төхөөрөмжийг 800-1400 км-ийн өндөрт ашиглахаар төлөвлөж байгаа юм.

Энд сансрын хог илүү их байдаг байна. НҮБ-ын шинжээчдийн судалгаагаар манай гараг дээр нийт 5 мянган тонн жин хүрэх 300-аад мянган сансрын хог эргэлдэж байдаг байна. Түүнчлэн тэдгээрийн 18 мянга нь 10 см-ийн диаметртэй байдаг болохыг тогтоож чаджээ.