“Тус” үзэсгэлэнгээр зочлоорой

"Тус" хандивын үзэсгэлэнг “B” контемпорари арт галерейд дэлгэжээ. Тус үзэсгэлэнг "Ач тус очир", Монголын урчуудын эвлэлийн гишүүн уран бүтээлчид нийгмийн хариуцлагын хүрээнд хамтран зохион байгуулж байгаа юм.

Даунтай хүүхдүүдийг дэмжих, тэдний боловсролд хувь нэмэр оруулах, хөгжих боломжийг олгох зорилготой дээрх хандивын үзэсгэлэнд уран бүтээлчдийн хандивласан 65 уран бүтээл дэлгэжээ.

Ташрамд дуулгахад, Өнөөгийн байдлаар Монголын дауны холбоонд 300 гаруй даунтай хүүхэд бүртгэлтэй байдаг аж. “Тус” үзэсгэлэнг энэ сарын 9-нийг хүртэл дэлгэх юм байна.