Ү.Баасандаш Хятадын Тайваны тамирчинтай тулалдаж ялалт байгуулжээ

“Улаанбаатар-2023” Зүүн Азийн залуучуудын наадам өнөөдөр боксын төрлөөр “Монгол бөхийн өргөөн”-д эхэллээ. Тус тэмцээнд Зүүн Азийн 5 орны 48 шилдэг тамирчид 4 өдрийн турш өрсөлдөнө.

Монголын баг тамирчдаас эхний өдрийн сүүлийн хоёр тулааны мэдээллийг хүргэхэд эрэгтэйчүүдийн 60 кг-ийн жинд энэ оны залуучуудын улсын аварга У.Алтангэрэл эхний тулаанаа Япон улсын тамирчин Шома Окумуратай хийлээ.

Энэ тулаанд Японы тамирчин хүч техникийн давуугаар манай тамирчинг ялж анхдугаар наадмын аваргын төлөө шалгарлаа.

Харин боксын тэмцээний эхний өдрийн сүүлийн тулааныг 63.5 кг-ын жинд Залуучуудын улсын аварга Үлэмжийн Баасандаш Хятадын Тайваны тамирчинтай тулаан хийлээ. Энэ тулаанд манай тамирчин шүүгчдийн санал нэгтэй шийдвэрээр ялалт байгууллаа.