УДБЭТ-ын тайзнаа дэлхийн сонгодгууд эгшиглэнэ

Хүн төрөлхтний сонгодог хөгжмийн урлагийн “охь дээж” болсон бүтээлүүдийг 2017 оны 10 дугаар сарын 11-ний өдөр УДБЭТ-ын тайзнаа эгшиглүүлэх гэж байна. Энэ удаагийн тоглолтод Иоганн Себастьян Бах, Антонио Вивальди, Фридрих Шопен, Жузеппе Верди, Дмитрий Шостакович болон бусад хөгжмийн зохиолчдын сор болсон шилдэг бүтээлүүдийг толилуулах юм.

“Сонгодог урлаг – 80 жил” тоглолтод УДБЭТ-ын гоцлол дуучин Э.Отгонбат, Б.Энхнаран, Л.Болдцэрэн нарын шинэ үеийн сонгодог дуурийн дуучид уран бүтээлээсээ өргөн барина. Мөн Морин хийлч Д.Амармэнд болон залуу найрал хөгжимчид “дөрвөн төгөлдөр хуурч”-ийн хамт уран бүтээлээсээ дээжилнэ. Б.Саруул, О.Анужин, А.Эрдэнэболд нар Л.Минкусын “Дон Кихот” балетын шилдэг тоглолтуудыг мэдрүүлэх бол “UB art” галлерейн залуус үзэсгэлэнгийнхээ дээжисээс толилуулах ажээ.