УДЭТ-ын уран бүтээлчид Б.Лхагвасүрэнд нэг өдрийнхөө цалинг хандивлана
Тэрбээр ходоодны хорт хавдраар өвчилж, БНСУ-д эмчүүлэхээр өнгөрсөн мягмар гарагт явсан билээ.
Мэдээллийн алба
Монгол Улсын хөдөлмөрийн баатар, төрийн шагналт, соёлын гавьяат зүтгэлтэн, ардын уран зохиолч, “Болор цом”-ын гурван удаагийн эзэн, яруу найрагч Б.Лхагвасүрэнгийн эмчилгээний зардалд УДЭТ-ын уран бүтээлчид нэг өдрийнхөө цалинг хандивлахаар болжээ.
Тэрбээр ходоодны хорт хавдраар өвчилж, БНСУ-д эмчүүлэхээр өнгөрсөн мягмар гарагт явсан билээ.
Дээрх театрын уран бүтээлчид энэхүү үйлсэд бусад байгууллага хамт олныг нэгдэхийг уриалав.
Мөн Засгийн газраас түүний эмчилгээнд зориулж 25, нөөц сан болон БШУСЯ-наас 10, ЭМЯ-наас таван сая төгрөг зориулахаар болсон юм.
Б.Лхагвасүрэн энэ сарын 10-нд хагалгаанд орж, эх нутагтаа ирнэ.
Сонирхуулахад ахмад уран бүтээлч УДЭТ-ын урын санд “Атга нөж”, “Тамгагүй төр” зэрэг олон жүжгийн зохиол бичсэн билээ. Үүнээс харахад хийсэн “юмтай” хүн гэдэг сайхан.
