"Өдөр өнжүүлэх төв"-үүдийг яаралтай цэгцлэх шаардлагатай

Манай улсад үйл ажиллагаа явуулдаг "Өдөр өнжүүлэх төв"-үүдийг яаралтай цэгцлэх шаардлагатай байна гэж Гэр бүл, хүүхэд залуучуудын хөгжлийн газрын Ахлах мэргэжилтэн Даваадорж ярилаа.

Зарим төвүүд огт зөвшөөрөлгүй. Тухайн газруудын орчин нөхцөл ямар болох, сурагчдыг өдөрт хэдэн удаа хэрхэн хооллодог, хичээлийг нь зөв аргаар давтуулдаг эсэх нь тодорхойгүй. Түүнчлэн эцэг, эхчүүдээс сард хэдий хэмжээний төлбөр авах нь тухайн "Өдөр өнжүүлэх төв"-ийг ажиллуулдаг хувь хүний дурын асуудал болсон байна гэж тэрбээр ярилаа.