Улаанбаатар хот, Сэлэнгэ, Дархан-Уул аймгийн орох, гарах замын хөдөлгөөнийг түр хязгаарлалаа
Монгол Улсад "COVID-19" халдварын 34 дэх тохиолдол илэрсэнтэй холбоотойгоор урьдчилан сэргийлэх үүднээс Улаанбаатар хот, Дархан-Уул, Сэлэнгэ аймгаас орох, гарах зорчигч тээвэр, хувийн тээврийн хэрэгсэл,
Мэдээллийн алба
Улсын Онцгой комиссын 19 дүгээр ээлжит хуралдаан 18:30 цагт эхэлж 20:00 цагт дуусч дараах шийдвэрийг гаргалаа. Монгол Улсад "COVID-19" халдварын 34 дэх тохиолдол илэрсэнтэй холбоотойгоор урьдчилан сэргийлэх үүднээс Улаанбаатар хот, Дархан-Уул, Сэлэнгэ аймгаас орох, гарах зорчигч тээвэр, хувийн тээврийн хэрэгсэл, суудлын галт тэрэгний хөдөлгөөнийг хязгаарлахаар болсон байна.
Тодруулбал, Европын холбооны улсаас ОХУ-аар дамжин Алтанбулаг боомтоор орж ирсэн тээврийн жолоочоос шинэ коронавирус буюу COVID-19 илэрсэн. Иймд энэ халдвараас урьдчилан сэргийлэх зорилгоор Улаанбаатар, Дархан-Уул, Сэлэнгэ аймгуудаас орох, гарах чиглэлийн хот хоорондын зорчигч тээвэр болон суудлын галт тэрэгний хөдөлгөөнийг өнөөдөр 21:00 цагаас эхлэн дөрөвдүгээр сарын 25-ны өдрийн 06:00 цаг хүртэл зогсоох шийдвэр гаргасан аж.
Улсын Онцгой комиссын уг шийдвэрийг хэрэгжүүлэх чиглэлээр нарийвчилсан журам гаргахыг аймаг, нийслэлийн Онцгой комисст үүрэг болголоо.
