Үлэг гүрвэлийн ялгадас худалдана

Манай гарагийн хамгийн урт үлэг гүрвэлийн ялгадсыг энэ долоо хоногт Лос Анжелесын дуудлага худалдаагаар оруулахаар болжээ.

Уг чулуужсан ялгадас нь 5.3-33.9 сая жилийн өмнөх олдвор бөгөөд нэг метр гаруй урттай бор шар өнгөтэй аж. Дуудлага худалдаанд оролцогч ноён Чейт тус олдвор дуудлага худалдаагаар 10 мянган долларын үнэ хүрнэ гэж таамаглаж байгаа гэнэ.

Одоогоор эрдэмтэд ялгадсыг ямар төрлийн үлэг гүрвэлийнх болохыг тогтоогоогүй байгаа юм. Харин ноён Чейт үүнийг олон сая жилийн өмнө амьдарч байсан Миоцен яст мэлхийнийх гэж үзжээ.