Үндэсний сургалтын хөтөлбөрийн үзэл баримтлалын төслийг хэлэлцэж эхэллээ

Сургуулийн өмнөх болон ерөнхий боловсролын сургалтын хөтөлбөрийг шинэчлэх менежментийн циклийн дагуу 2023-2024 оны хичээлийн жилд сургуулийн өмнөх боловсролын сургалтын хөтөлбөрийг шинэчлэх бэлтгэл ажлыг хангаж байна.

Боловсролын Ерөнхий хуульд заасны дагуу сургалтын хөтөлбөрийн үзэл баримтлалыг Засгийн газар батлах юм. Энэ хүрээнд Сургуулийн өмнөх болон ерөнхий боловсролын сургалтын үндэсний хөтөлбөрийн үзэл баримтлалын төслийн хэлэлцүүлэг болж сургуулийн өмнөх боловсролын түвшинд төслийг хэлэлцэв.

Тус хэлэлцүүлэгт сургуулийн өмнөх боловсрол, бага насны хүүхдийн хөгжил, тархи судлалын чиглэлээр ажиллаж байгаа судлаачид, багш, ажилтнууд оролцож санал солилцлоо гэж Боловсрол, шинжлэх ухааны яамнаас мэдээллээ.