Өнөөдрийн Улаанбаатар-Токио-Улаанбаатар чиглэлийн нислэгийн цагт өөрчлөлт орлоо

2020 оны хоёрдугаар сарын 26-ны өдрийн Улаанбаатар-Токио-Улаанбаатар чиглэлийн ОМ501/502 аяллын нислэгийн цагийн хуваарьт Улаанбаатар хотын цаг агаараас (салхины хүч зөвшөөрөгдөх хэмжээнээс их) шалтгаалан өөрчлөлт орлоо.

-Улаанбаатар-Токио чиглэлийн нислэг 15:00 цагаас хөөрч Япон Улсын орон нутгийн цагаар 20:35 цагт Нарита олон улсын нисэх буудалд буухаар;

-Токио-Улаанбаатар чиглэлийн нислэг 21:35 цагт хөөрч Улаанбаатарт 02 дугаар сарын 27-ны 02:30 цагт буухаар тус тус төлөвлөж байна.

Цаг агаарын нөхцөл байдлаас шалтгаалан нислэгийн цагт дахин өөрчлөлт орж магадгүй байгаа тул тухай бүрт нь мэдээлэл хүргэх болно.

Нислэгийн цагт өөрчлөлт орж буйд зорчигч та бүхнээс хүлцэл өчиж байна.

Эх сурвалж: МИАТ