Өнөөдөр тэгш тоогоор төгссөн дугаартай авто машин замын хөдөлгөөнд оролцоно

Хичээлийн шинэ жил эхлэх гэж байгаатай холбоотойгоор нийслэлд замын ачаалал ихсээд байна. Замын хөдөлгөөний ачааллыг зохицуулах үүднээс амралтын өдрүүдэд авто машины дугаарыг тэгш, сондгойгоор ангилан явуулах захирамжийг Нийслэлийн Засаг дарга гаргасан билээ.

Захирамжийн дагуу өнөөдөр буюу наймдугаар сарын 31-ний бямба гарагт тэгш тоогоор төгссөн дугаартай авто машин замын хөдөлгөөнд оролцоно. Харин маргааш буюу есдүгээр сарын 1-ний ням гарагт сондгой тоогоор төгссөн дугаартай авто машин замын хөдөлгөөнд оролцох юм.