Өнөөдөр улсын аварга П.Бүрэнтөгс тэргүүтэй 128 бөх барилдана
Өнөөдөр Үндсэн хуулийн өдөрт зориулсан Улс, аймгийн алдар цолтой 128 бөхийн барилдаан 14:00 цагт Монгол бөхийн өргөөнд болно.
Мэдээллийн алба
Монгол Улс ардчилсан шинэ Үндсэн хуулиа баталсны 31 жилийн ойн өдөр өнөөдөр тохиож байна. Өнөөдөр Үндсэн хуулийн өдөрт зориулсан Улс, аймгийн алдар цолтой 128 бөхийн барилдаан 14:00 цагт Монгол бөхийн өргөөнд болно.
Үндсэн хуулиа баталсны 31 жилийн ойн Улс, аймгийн алдар цолтой 128 бөхийн барилдаанд зодоглохоор улсын аварга П.Бүрэнтөгс, улсын арслан Э.Оюунболд, Р.Пүрэвдагва, улсын гарди Ө.Бат-Орших, улсын заан Ц.Одбаяр, М.Лхагвагэрэл, улсын харцага Б.Цэдэнсодном, Ш.Пүрэвгарьд, Г.Бадрах тэргүүтэй улсын начин, аймгийн арслан, аймгийн заан, цэргийн заан, цэргийн начин, аймгийн харцага, аймгийн начин, сумын заан цолтой бөх бүртгүүлжээ.
