Уран зургийн галерейн “Арт шоп”-ийг шинэчлэн тохижуулжээ

Монголын уран зургийн галерей соёлын бүтээлч үйлдвэрлэлийг дэмжих, зах зээлийн эргэлтэд оруулах, бүтээлч үйлдвэрлэлийн бүтээгдэхүүнүүдээр дамжуулан Монголын дүрслэх урлагийг сурталчлан таниулах зорилгоор “Арт шоп”-оо шинэчлэн тохижууллаа.

Тус “Арт шоп”-оор үйлчлүүлж Монголын уран зургийн галерейгаас эрхлэн гаргасан дүрслэх урлагийн сор бүтээлүүдийн хэвлэл (canvas), эвлүүлдэг тоглоом (puzzle), ном сэтгүүл, зэс эдлэл, чөлөөт уран бүтээлчдийн бүтээл болон бэлэг дурсгалын зүйлс зэрэг 30 гаруй бүтээгдэхүүнийг худалдан авах боломжтой аж.