Өршөөлөөр суллагдсан 50 иргэнд тус бүр нэг сая төгрөгийн тусламж үзүүлэхээр болжээ.

Хорих ангиас суллагдсан иргэдэд зориулсан “Сайхан амьдрал таны гарт” сарын аяныг Хөдөлмөрийн яамнаас зохион байгуулжээ. Аяны хугацаанд Өршөөлийн хуулиар суллагдсан иргэд сургалтад хамрагдаж, бизнес хийх төсөл бичих зэрэг олон зүйл сурсан байна. Цаашид тэднийг жижиг дунд бизнес эрхлэх боломжоор хангаж, өөрөө өөртөө ажлыг байр бий болгоход нь туслах зорилгоор сургалтад хамрагдсан иргэдийн бичсэн төслөөс 50-ийг нь шалгаруулан тус бүр сая төгрөгийн тусламж үзүүлэхээр болжээ. Нийслэлийн хүрээнд энэ үйл ажиллагааг нийслэлийн хөдөлмөрийн газар хариуцан хэрэгжүүлж байгаа юм байна.