Япон улс “Пфайзер” компанийн вакциныг энэ сарын дундуур бүртгүүлэх төлөвтэй байна

АНУ-ын “Пфайзер” болон Германы “Бионтек” компаниуд коронавирусний эсрэг вакциндаа ашиглалтын зөвшөөрөл авахаар Японы эрүүл мэндийн яаманд хүсэлт гаргаад байгаа. Тэгвэл Японы Эрүүл Мэндийн Яам тус вакцинд онцгой тохиолдолд ашиглах зөвшөөрлийг 2-р сарын 15-наар олгохоор байгааг Эн ЭйчКи дамжуулсан байна.

Япон улс энэ жил “Пфайзер” компаниас 150 сая орчим тун вакцин худалдан авах гэрээг байгуулжээ. “Пфайзер”-аас гадна Их Британийн “Астразенека” Японд вакциныхаа зөвшөөрлийг авахаар мөн хүсэлт гаргаад байна.