Явган хүний гарц руу ойртохдоо хурдаа хасаж, явган зорчигчид зам тавьж өгнө үү
Мэдээллийн алба
Монгол Улсын Замын хөдөлгөөний дүрмийн 16.1 дэх заалтад:
“Явган хүний зохицуулдаггүй гарц руу ойртон ирсэн жолооч хурдаа хасаж, уг гарцаар гарч байгаа болон гарахаар завдаж байгаа явган зорчигчид зогсож зам тавьж өгнө.” гэж заасан.
Иймд жолооч та:
-Явган хүний зохицуулдаггүй гарц руу ойртох үедээ хурдаа хасах;
-Гарцан дээр гарч байгаа болон гарахаар завдаж байгаа явган зорчигчид зогсож, зам тавьж өгөх;
-Гарцын өмнө тээврийн хэрэгсэл зогссон буюу хурдаа хассан тохиолдолд зэрэгцээ эгнээнд яваа тээврийн хэрэгсэл мөн хурдаа хасаж, шаардлагатай бол зогсох;
-Явган хүний гарцын орчимд үзэгдэх орчин, замын нөхцөл байдалд тохируулан хурд, зайгаа зөв сонгож, явган зорчигчийг бүрэн ажиглан хөдөлгөөнд оролцохыг цагдаагийн байгууллагаас анхааруулж байна.
