Юлимэр Рохас гурвын харайлтын дэлхийн аварга боллоо

Английн Лондон хотноо болж байгаа 2017 оны хөнгөн атлетикийн ДАШТ-ий 4 дэх өдөр эмэгтэйчүүдийн гурвын харайлтын төрлийн аваргууд тодорч, олимпийн наадмын алт мөнгө хүрэл медалийн эзэд дахин эхний 3-р байрыг эзэлжээ. Ингэхдээ Риогийн олимпийн наадмын мөнгөн медальт Венесуэлийн Юлимэр Рохас энэ удаад 14.91 метр харайж тэргүүн байрт шалгарчээ. Тэгвэл Риогийн олимпийн наадмын алтан медальт, сүүлийн 2 ДАШТ-д дараалан түрүүлээд байсан Колумбын шилдэг тамирчин Катеринь Ибэргойн 14.89 метр харайж мөнгөн медаль хүртжээ. Харин Казахстаны тамирчин Рыпакова олимпод, дэлхийн АШТ-ий хүрэл медальт тамирчин болж, өөрийн амжилтаа бататгасан байна.