З.Нарантуяаг албан тушаалаас нь чөлөөлөв

Өнгөрөгч 12 дугаар сард Санхүүгийн зохицуулах хорооны дарга З.Нарантуяа УИХ-ын дарга З.Энхболдод өөрийн хүсэлтээр ажлаас чөлөөлөгдөх хүсэлтээ ирүүлсэн тухай бид өмнө нь мэдээлж байсан.

Харин өнөө өглөө хуралдсан чуулганы нэгдсэн хуралдаанаар З.Нарантуяаг чөлөөлөх тухай асуудлыг хэлэлцлээ. Хэлэлцэж буй асуудалтай холбогдуулж асуулт асууж, үг хэлэх гишүүн гараагүй. Ингээд санал хураалт явуулахад 84.6 хувийн саналаар Санхүүгийн зохицуулах хорооны даргын үүрэгт ажлаас чөлөөлөх тухай тогтоолыг баталлаа.