Залуучууд Азийн АШТ-ээс гурван медаль хүртлээ

Бөхийн төрлүүдийн “U15”, “U20” насны Азийн аварга шалгаруулах тэмцээн долоодугаар сарын 2-10-нд Бахрайны Манама хотод боллоо.

"U20" насны буюу залуучууд ангилалд манай улсаас эрэгтэй 8, эмэгтэй 5 тамирчин барилдснаас нэг мөнгө, хоёр хүрэл медаль хүртэв.

Тодруулбал, 86 кг-ын жинд Төв аймгийн тамирчин Наадамбатын Батбилгүүн мөнгө, эмэгтэйчүүдийн 50 кг-д Төв аймгийн тамирчин Энхбатын Золжаргал, 53 кг-д Баянхонгор аймгийн тамирчин Энхболдын Буман-Аюуш нар хүрэл медалийн эзэн боллоо.