"Залуучуудын Үнэн" сонин өнгө төрхөө өөрчиллөө

Монголын залуучуудын холбооноос эрхлэн гаргадаг "Залуучуудын Үнэн" сонин WWW.ZUN.MN сайт болон өргөжиж байгаа юм байна.

89 жилийн түүхтэй, Монголын ууган хэвлэлүүдийн нэг "Залуучуудын Үнэн" сонин 10-аад жил хэвлэгдэхгүй тасалдсаныхаа дараа 2012 оны 4-р сараас эхлэн"Залуу хүний Заавал унших сонин" уриатайгаар хэвлэгдэн гарч байсан бол өдгөө дахин өнгө төрхөө солихоор болжээ.

Цахим хуудсыг үүсгэн байгуулагдын зүгээс “манай сайтын залуусын үзэл бодол, хүсэл мөрөөдөл, амжилт бүтээл, хурц шүүмжлэл, шинэ санаа, шинэлэг мэдрэмжийн талбар, орон зай нь байна хэмээн мэдэгдсэн бөгөөд тус сайтад залуус өөрийн нийтлэл, орчуулгаа оруулах бүрэн боломжтой юм байна.