Засгийн газрын хэрэг эрхлэх газар дэд даргатай боллоо

Засгийн газрын хэрэг эрхлэх газрын тэргүүн дэд даргаар Сэлэнгэ аймгийн Ардчилсан намын дарга Д.Цогт-Очирыг томилсон байна.

УИХ-ын сонгуульд Сэлэнгэ аймгаас УИХ-ын гишүүн Баярцогттой хамт нэр дэвшиж байсан Д.Цогт-Очир энэ даваа гаригаас эхлэн Засгийн газрын хэрэг эрхлэх газрын дэд даргын үүрэгт ажилдаа оржээ.

Өмнө нь энэ албыг хашиж байсан Солонго ажлаасаа чөлөөлөгдсөнөөс хойш 5 сарын хугацаанд засгийн газрын хэрэг эрхлэх газар тэргүүн дэд даргагүй ажиллаж байсан аж.