Зориулалтын бус байранд ууц чанахыг хоригложээ
“Нийслэлийн худалдаа үйлчилгээний нийтлэг журам”-д нийтийн эзэмшлийн гудамж, талбайд зориулалтын бус ажлын байранд айраг худалдаалах, ууц, өвчүү, мах чанах үйлчилгээг хоригложээ.
Мэдээллийн алба
Өнгөрсөн Баасан гарагт болсон НИТХ-ын тэргүүлэгчдийн хуралдаанаар “Нийслэлийн худалдаа үйлчилгээний нийтлэг журам”-ыг шинэчлэн баталсан. Журамд нийслэл дэх худалдаа үйлчилгээний бүхий л асуудлыг зохицуулахаар тусгажээ. Дээрх хуралдааны үеэр жил бүр сар шинийн баяраар нийсэл хотод ил задгай айраг худалдаалах, ууц, өвчүү, мах чанах зэрэг үйлчилгээ эрс нэмэгддэг талаар дурьдаад “Нийслэлийн худалдаа үйлчилгээний нийтлэг журам”-д нийтийн эзэмшлийн гудамж, талбайд зориулалтын бус ажлын байранд айраг худалдаалах, ууц, өвчүү, мах чанах үйлчилгээг хориглосон заалт оруулжээ.
