Зүүн Азийн АШТ-д орох дөрвөн баг шалгарлаа

Тайвань улсад зохиогдсон Зүүн Азийн АШТ-ий хоёрдугаар шатнаас шалгарах эрхийн төлөө БНАСАУ-ын шигшээ Тайваний эсрэг тоглолоо. Эл тоглолтод гурав болон түүнээс дээш гоолоор ялалт байгуулах үүрэг хүлээсэн Хойд Солонгосын баг эцсийн дүндээ 2:0 -ийн харьцаатай ялалт байгуулсан ч цааш шалгарч чадсангүй.

Харин Хонг-Конгийн шигшээ баг ирэх онд Зүүн Азийн АШТ-ий аваргын төлөө БНСУ, Япон, БНХАУ-ын багтай тоглох эрхээ авлаа.

Дашрамд дуулгахад, Монголын Үндэсний шигшээ багийн хувьд түүхэндээ анх удаа Зүүн Азийн АШТ-ий хоёрдугаар шатанд шалгарсан. Хэдий тэд гурван тоглолтоосоо оноо авч чадаагүй ч тоглолт бүрт гоол оруулсан юм.