Шууд

Дэлхийн усны өдрийг “Хаягдал ус” уриатайгаар тэмдэглэж байна

2017-03-20 16:14:28

Дэлхийн усны өдрийг 1993 оноос эхлэн жил бүрийн гуравдугаар сарын 22-ны өдөр тэмдэглэн өнгөрүүлэх уриалгыг ЮНЕСКО гишүүн орнууддаа гаргасан. Энэхүү тэмдэглэлт өдрийн гол зорилго нь усны салбараас тулгамдаж буй асуудлыг сонгон авч уриа дэвшүүлэн бүх нийтийн анхаарлыг хандуулдаг юм. Энэ жил усны өдрийг “Хаягдал ус” гэсэн уриатайгаар тэмдэглэж байна.

Өнөөдөр дэлхий дээр 2.4 тэрбум хүн сайжруулсан ариун цэврийн байгууламжгүй  амьдарч байгаагаас 946 сая  нь ил задгай бие засдаг гэсэн тооцоо гарчээ. Ил задгай бие засах нь байгаль орчныг бохирдуулж, үүнтэй холбоотойгоор эдгээр орнуудад 0-5 хүртэлх хүүхдийн нас баралт хамгийн  өндөр байна. Түүнчлэн бохир ус маш олон төрлийн өвчин үүсгэгч бичил биетүүд, хүний биед амьдардаг шимэгч хорхойнууд, зарим хавдар үүсгэгч, эмгэг төрөгчид, янз бүрийн хортой химийн бодис болон гадаргын идэвхт фосфор органик нэгдлүүдийг агуулдаг. 2016 онд Нийгмийн Эрүүл Мэндийн Үндэсний Төвд хийгдсэн “Улаанбаатар хотын өрхийн унд, ахуйн усны хоногийн хэрэглээний бодит хэмжээ тогтоосон нь судалгааны дүнгээр 1 хүнд ноогдох унд,ахуйн усны хоногийн нийт хэрэглээ гэр хорооллын өрхөд 15.57л, орон сууцны өрхөд 90 л байгаа нь орон сууцны хүн амын усны хэрэглээ гэр хорооллын өрхтэй харьцуулахад өндөр боловч Дэлхийн Эрүүл Мэндийн Байгууллагын зөвлөмж хэмжээнээс хэтрэхгүй байна.

Нийслэлийн хүн амын 60 орчим хувь оршин сууж байгаа гэр хорооллын 300 мянган өрхийн ариун цэврийн байгууламжийн 80% нь доторлогоогүй, Нүхэн жорлон угаадасны нүх техникийн шаардлага стандартын шаардлагад нийцэхгүй байгаа нь усны чанар, хөрсний бохирдлын гол эх үүсвэр болж байна. Иймээс 2017 онд  “Хаягдал ус буюу Бохир ус”- түүнийг тойрсон олон тулгамдаж буй асуудалд олон нийтийн анхаарлыг хандуулах, салбар хоорондын хамтын ажиллагааг нэмэгдүүлэх нь зорилгоор “Хүйтэн уур амьсгалтай орнуудын ариун цэврийн байгууламжийн шийдэл” сэдэвт Олон улсын зөвлөлдөх уулзалтыг зохион байгуулсан бол ариун цэврийн байгууламжийн шийдлийн талаар онлайн сувгуудаар мэдээлэл байршуулж, мөн ус хөгжлийн түлхүүр сэдэвт эрдэм шинжилгээний бага хурал зэрэг ажлуудыг зохион байгууллаа.


Дэлхийн усны өдрийг “Хаягдал ус” уриатайгаар тэмдэглэж байна   
Үзсэн: 202 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй