Шууд Chart

Д.Отгондалай: Надад UFC-ийн тулаан таалагддагаас гадна Монголоосоо анхдагч нь болохыг хүсч байна

2017-09-11 11:56:34

Монгол Улсын гавьяат тамирчин, олимп, ДАШТ-ий хүрэл медальт Д.Отгодалайтай цөөн хором ярилцлаа.

-Та өөрийгөө боксын спортод заяагдсан хүн гэж боддог уу?

-Би нэг их авьяастай, шилдэг хүн биш. Харин хөдөлмөрч. Хөдөлмөр л намайг өдий зэрэгт хүргэсэн.

-Энэ жилийн ДАШТ-ийн хүрэл медалийн болзол хангаж байх үеийн сэтгэгдлээ хувцаалцана уу?

-Хүрэл медалийн төлөөх тоглолтын өмнөх тулааныг ярья л даа. Израйлын тамирчин торгуулах битгий хэл хөөгдөх хэмжээний бохир тоглолт хийж байсан. Гэхдээ би түүнийг 5:0-ийн харьцаагаар хожсон. Харин маргааш нь хүрэл медалийн төлөө Венесуэлийн боксчинтой тоглосон. Эхний хоёр радунд ч яахав үргэлжилдгээрээ явагдсан. Харин гуравдугаар радундад тэр надад “Одоо больё” гэдэг үгийг харцаараа хэлэх шиг болсон.

-Харин “Рио-2016” олимпийн наадамд тулалддаг Францын тамирчинтай энэ удаа мөн л мөнгөн медалийн төлөө тоглосон. Түүнийг ялах боломж хэр байсан бэ?

-Түүнийг би муу тамирчин гэж хэлэхгүй. Олимпоос мөнгөн медаль хүртсэн хүн шүү дээ. Гэхдээ боксын спортын шүүлтэд булихай ямар нэгэн байдлаар ордог. Түүнд тийм л аз таарсан. Тэр залуу намайг рингнээс хүндэтгэлтэйгээр буулгасан. Би ч ялсан бол тэгэх л байсан.

-Энэ удаагийн ДАШТ-ээс медаль хүртсэндээ уйлмаар болсон уу?

-Азийн наадамд анх удаа түрүүлчихээд уйлж байлаа. Дараа нь олимпоос хүрэл медаль хүртэхдээ ч тэсээгүй. Харин энэ удаа уйлаагүй шүү.  

-Та UFC-д хүч үзэх гэж байгаа юм уу?

-“Токио-2020” он хүртэл сонирхогчийн боксоор зүтгэнэ. Дараа нь сэтгэл хэрхэн өөрчлөгдхийг одоо хэлж мэдэхгүй байна. Гэхдээ надад UFC-ийн тулаан таалагддаг. Монголоос энэ спортод хүчин зүтгэсэн хүн одоохондоо байхгүй. Тиймээс би анхдагч нь болохыг хүсч байна.

 







Нийтэлсэн: У.Баярсайхан

Д.Отгондалай: Надад UFC-ийн тулаан таалагддагаас гадна Монголоосоо анхдагч нь болохыг хүсч байна   
Үзсэн: 3722 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [82.228.176.xxx] 2017-09-11 15:20
baataraa

Бидэнтэй нэгдээрэй