Шууд Chart

3D принтерээр хэвлэсэн тийрэлтэт хөдөлгүүрийг туршжээ

2017-09-13 15:15:19

Австралийн "Монаша" Их сургуулийн эрдэмтэд Амэоро технологийн компанийн мэргэжилтнүүдтэй хамтран 3D принтерээр тийрэлтэт хөдөлгүүр хэвлэн гаргасан байна. Дэлхийд анх удаа гэх тодотголыг зүүгээд байгаа тус тийрэлтэт хөдөлгүүрийн эхний туршилт амжилттай болжээ.

Технологийн хөгжил жилээс жилд өргөжин тэлж байгаагийн нэг том жишээ бол 3D принтерийн хувьсан өөрчлөлт юм. Олон улсад  3D принтерийн тусламжтайгаар хүний эд эрхтэн,  автомашины сэлбэг, зам гүүр тэр бүү хэл байшин барилгын материалыг хэвлэн гаргаж эхэлсэн. Харин саяхан Австралийн эрдэмтэд цоо шинэ санааг гаргаж бодитоор туршиж үзсэн нь 3D принтерээр хэвлэсэн тийрэлтэт хөдөлгүүрийн материал болсон байна.

Зохион бүтээгчдийн зүгээс хэлж байгаагаар шинэ материалыг хэвлэн гаргаж ирсэн тийрэлтэт хөдөлгүүр нь агаарын ямар ч даралтыг тэсвэрлэх чадвартай буюу дэлхийн гадаргуугаас дээш өргөн уудам орон зайд аэродинамикийн үр ашгийг дэмжих боломжтой хэмээн онцлон мэдээлсэн юм. Тус хөдөлгүүр нь энгийн тийрэлтэт хөдөлгүүрийн ангилалд багтах түлшний зарцуулалттай харьцуулхад илүү бага зардал гаргах боломжтойг ч хэлжээ.

Тийрэлтэт хөдөлгүүрийн материалыг 3D принтерээр хэвлэн гаргах төслийн инженер Грэм Бэллийн хэлснээр, тус тийрэлтэт хөдөлгүүрийг хэвлэхэд ойролцоогоор 4 сарын хугацаа зарцуулсан хэмээн мэдээлсэн юм. Энэ хүрээнд Австралийн Монаша их сургуулийн шинжээчид, Амэоро технологийн компанийн мэргэжилтнүүдтэй хамтран Нэкст Аэро хэмээх нэртэй технологийн шинэ байгууллагыг нээсэн юм байна. Ингэснээр одоогийн үйлдвэрлэлийн технологийг хөгжүүлэн, 3D принтерийн тусламжтайгаар тийрэлтэт хөдөлгүүрийн чанарыг сайжруулах зорилготой дараа дараагийн шинэ туршилт нээлтүүдийг хийхээр зорин ажиллаж байгаа талаар зохион бүтээгчдийн зүгээс онцолсон байна.

Нийтэлсэн: Moнголын мэдээ

3D принтерээр хэвлэсэн тийрэлтэт хөдөлгүүрийг туршжээ  
Үзсэн: 808 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй