Шууд Chart

Бөхмөрөн сумын нутаг дэвсгэрийн хөгжлийн төлөвлөгөөг боловсруулж дуусчээ

2018-02-07 10:28:53

БОАЖЯ, НҮБ-ын Хөгжлийн Хөтөлбөрийн хамтран хэрэгжүүлж байгаа “Монгол орны баруун бүсэд газрын доройтол, хөгжлийн сөрөг нөлөөллийг бууруулах, дүйцүүлэн хамгааллыг нэвтрүүлэх нь” (MOН 16/301) төслийн хүрээнд “Газрын нэгдсэн мэдээллийн сан байгуулах, газар ашиглалтын төлөвлөгөөг аймгийн болон сумын түвшинд боловсронгуй болгох” зөвлөх үйлчилгээний ажлыг “Вектор Мэп” ХХК гүйцэтгэжээ.

Уг ажил нь тухайн сум орон нутгийг хөгжүүлэх цогц бодлогын баримт бичиг бөгөөд Бөхмөрөн сум хамрагдсанаар Монгол Улсын хэмжээнд баримт бичгээ боловсруулсан 7 сумын нэг нь Увс аймгийн Бөхмөрөн сум болж байна.

Төсөл хэрэгжиж буй Увс аймгийн Бөхмөрөн сумын нийт нутаг дэвсгэрийн хэмжээнд газрын гадаргуу, газар ашиглалт, хүрээлэн буй орчин, инженер геологи, нийгэм, эдийн засгийн мэдээллийн сан байгуулах, газар болон байгалийн нөөц нөхцөлийг зүй зохистой ашиглах боломж, газрын тохиромжтой байдлын үнэлгээн дээр суурилсан, нутаг дэвсгэрийн цаашдын хөгжлийн төлөвлөгөө боловсруулахад чиглэсэн чухал ажил болжээ.

Энэхүү судалгааны ажил нь тухайн сумын удирдлагуудын өдөр тутам ашиглах чухал баримт бөгөөд зөвхөн орон нутгийн удирдлага төдийгүй, үйл ажиллагаа эрхлэх гэж буй иргэд, аж ахуйн нэгж, ТББ, төсөл хөтөлбөр, төрийн байгууллагуудын үйл ажиллагаанд нэмэр болох томоохон баримт бичиг юм.

Энэ онд Увс аймгийн Ховд, Сагил, Түргэн сумын нутаг дэвсгэрийн хөгжлийн төлөвлөгөөг боловсруулахаар зорилт тавин ажиллаж байна.




Бөхмөрөн сумын нутаг дэвсгэрийн хөгжлийн төлөвлөгөөг боловсруулж дуусчээ   
Үзсэн: 353 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [103.212.118.xxx] 2018-02-08 01:42
jimsnii zam tavih

Бидэнтэй нэгдээрэй