Шууд Chart

Армений Ерөнхийлөгч асан Серж Саргсяны ах дүүсийг эрэн сурвалжилж байна

2018-07-10 10:41:18

Армени Улсын Мөрдөн шалгах тусгай алба хууль бусаар хөрөнгөжсөн, хуурамч баримт бичиг үйлдсэн хэргээр ерөнхийлөгч асан Саргсяны дүү, охин, хүүг шалгаж байгаа юм байна.

Тухайлбал, Армени Улсын шүүх Саргясны дүүг баривчилж, хүүхдүүдийг нь хилээр гарахыг хоригложээ.

Хэрэгт холбогдсон этгээдүүдийг хөрөнгө, орлогоо худал мэдүүлсэн гэж үзсэн байгаа ажээ.

Энэ оны 6 дугаар сард түүний дүүгийн компани хууль бусаар 6,8 сая ам.доллар олж авсан гэх асуудал үүсгэсэн бөгөөд улсын төсөвт 1,6 сая ам.долларыг уг компаниар буцаан өгүүлжээ.

Өнгөрсөн 4 дүгээр сард Саргясныг Ерөнхийлөгч, ерөнхий сайдын албан тушаалыг өөртөө авч, эрх мэдлээ хадгалах оролдлогын эсрэг жагсаал цуглаан гарч байжээ. Тэрхүү жагсаал цуглааны улмаас тэр ажлаа өгч, сөрөг хүчний намын тэргүүн түүний ажлыг хүлээн авсан байна.

Авлигын хэргээр өмнөх Засгийн газрын гишүүдийг болон Ерөнхийлөгч асан хүн, түүний гэр бүл, ойр дотны хүмүүсийг нь шалгах уриалгыг Сөрөг хүчний намын тэргүүн гаргасан байна.


Армений Ерөнхийлөгч асан Серж Саргсяны ах дүүсийг эрэн сурвалжилж байна  
Үзсэн: 1406 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [59.153.113.xxx] 2018-07-11 19:56
манайх жишээ авч шалгах хэрэгтэй

Бидэнтэй нэгдээрэй