Шууд Chart

Европын холбооны “Алтан виз” илүү хяналттай болно

2018-08-22 17:05:18

Европын холбооноос гадаад улсын баян хүмүүст иргэншил олгодог Унгар, Малта, Кипр, Латви, Австри, Грек, Литва, Португал гэсэн 8 гишүүн улсыг хяналтад оруулна.  Энэхүү алхам нь Европын холбооноос мөнгө угаах, авлигын гэмт хэрэгтэй эрчимтэй тэмцэж эхэлсэн болон Оросын Холбооны Улсаас бохир мөнгө Европын холбоонд орж ирж байх магадлалтай гэсэн хардлагаас үүдэлтэй аж.

Дээрх 8 улс нь мөн “Алтан виз” нэрээр баян иргэдэд визгүйгээр зорчих  боломж олгодог.  Шүүмжлэгчид ийм журмаар виз эсвэл иргэншил олгох энэхүү систем нь өөрөө авлига үүсгэх асар өндөр эрсдэлтэй төдийгүй шударга бус гэж үзэж байна. Гэмт хэрэгтнүүд 2-3 паспорттой болсноор татвараас зугтах, мөнгө угаах зэрэг гэмт хэрэгт холбогдох бүрэн боломжтой болдог ажээ.

Дээрх схемүүд нь ихэнхдээ иргэдийг засгийн газрын бонд худалдаж авах эсвэл улсад нь хөрөнгө оруулахыг шаарддаг. Жишээ нь Унгарын Алтан визний үнэ 300,000 евро. Эдгээр шаардлагуудыг биелүүлснээр гадаадын баян иргэд шинэ пасспортуудтай  болж Шенгений бүс нутагт аялж, амьдрах боломжтой болох юм.

Европын холбоо энэ намар зарим улсуудын визэнд тавих хяналтыг нь хангалтгүй гэж шүүмжилсэн шинэ тайлан гаргахаар төлөвлөж байна.


Европын холбооны “Алтан виз” илүү хяналттай болно  
Үзсэн: 236 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй