Шууд Chart

Шалгалтаар 131 зөрчил илрүүлжээ

2019-01-03 17:34:00

Шинэ жилийн баярыг тохиолдуулан Мэргэжлийн хяналтын Ерөнхий газрын даргын баталсан 01/12 тоот удирдамжийн дагуу Өлгий сумын төвд үйл ажиллагаа явуулж буй 93 худалдааны газар, 22 нийтийн хоолны газар, 14 хүнсний үйлдвэр, цех нийт 129 иргэд, аж ахуйн нэгж байгууллагуудыг урьдчилан сэргийлэх хяналт шалгалтанд хамааруулсан. 

Шалгалтын мөрөөр илэрсэн дутагдлыг арилгуулахаар 5 газарт 24 заалттай албан шаардлага хүргүүлсэн ба биелэлт-63 хувьтай байна. Шалгалтаар 131 зөрчил илрүүлж, 98 буюу 75 хувийг газар дээр нь арилгуулсан. 

Шалгалтаар хэрэглэх хугацаа нь хэтэрсэн 19 нэр төрлийн 3.124.650 төгрөгний хүнсний бүтээгдэхүүнийг хураан авч, зөрчил гаргасан 15 иргэнд Зөрчлийн тухай хуулийн дагуу 2.300.000 төгрөгний шийтгэл ногдуулж барагдуулсан. 

19 аж ахуйн нэгж, иргэдээс 10 нэр төрлийн 45 хүнсний бүтээгдэхүүнээс дээж авч Мэргэжлийн хяналтын газрын хими болон нян судлалын лабораторид шинжилгээнд хамааруулсан. Шинжилгээний дүнгээр стандартын шаардлага хангахгүй хүнсний бүтээгдэхүүн гараагүй.

Хоол үйлдвэрлэл болон хүнсний үйлдвэр цехийн нийт 65 ажилтнуудад хүнсний аюулгүй байдлыг хангуулах, эрсдэл бууруулах зорилгоор 2 удаа сургалт зохион байгуулсан. 


Шалгалтаар 131 зөрчил илрүүлжээ  
Үзсэн: 218 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй