Шууд Chart

Барүто улс төрч болжээ

2019-03-06 12:31:56

Мэргэжлийн сүмо бөхийн озэки асан Барүто Кайдо Хёвельсон “Estonian Centre Party” намаас нэр дэвшин өрсөлдлөө.

Тэрбээр 2013 онд зодог тайлан, Японы холимог тулаанд хүч үзэж байсан ч өнгөрсөн жил эх орондоо харьж, тус намд элсээд байсан юм.

Барүто “Estonian Centre Party” намын ХАА, спорт, Азийн орнуудтай хийх харилцааг хариуцан ажиллаж байгаа аж. Мөн ферм, зочид буудлын бизнес эрхэлж буй. Мөрийн хөтөлбөртөө малчин, тариаланчдын эрх ашгийг хамгаална гэж тусгажээ.

Сонгуулийн дүн удахгүй гарах бөгөөд шинжээчдийн үзэж байгаагаар Барүто Эстонид нэр хүндтэй тул сонгогдох магадлал тун өндөр байгаа гэнэ.

Сүмочдоос Оошима дэвжээний Кёкүдозан, манай Кёкүшюүзан нар сонгуульд өрсөлдөн, парламентын гишүүн болж байлаа.

Нийтэлсэн: У.Баярсайхан

Барүто улс төрч болжээ   
Үзсэн: 1486 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй