Шууд Chart

Концессийн гэрээгээр баригдаж байгаа сургууль, цэцэрлэгийн барилгын ажил удаашралтай байна

2019-03-14 13:00:00

Нийслэлийн ерөнхий боловсролын сургуулийг 3-н ээлжээр хичээллүүлэхгүй байх зорилгоор шинээр 23 байршилд сургууль, цэцэрлэгийн барилгыг барьж байгаа юм. Гэвч концессийн гэрээгээр барьж байгаа зарим сургууль, цэцэрлэгийн барилгын ажил зогссон байдалтай байна.

Өнөөдөр Боловсрол соёл шинжлэх ухаан спортын сайд Ё.Баатарбилэг, Нийслэлийн засаг дарга бөгөөд Улаанбаатар хотын захирагч С.Амарсайхан болон холбогдох албаныхан зарим сургууль, цэцэрлэгийн барилгын ажилтай танилцлаа. Энэ үеэр гүйцэтгэгч компаниудтай байгуулсан гэрээг дахин харж, хэрвээ үүргээ биелүүлэхгүй бол цуцлах хүртэл арга хэмжээ авна гэж холбогдох албаныхан хэллээ. Учир нь сургууль, цэцэрлэгийн зориулалтаар ашиглах зарим барилгын чанар, гүйцэтгэл хангалтгүй төвшинд байгаа юм. Нийслэлийн засаг дарга бөгөөд Улаанбаатар хотын захирагч С.Амарсайханы ярианд анхаарлаа хандуулна уу.

Одоогийн байдлаар эдгээр 23-н байршлын 4 дээр барилгын ажил огт эхлээгүй байгаа юм. Харин үлдсэн байршлууд дээр барилгын ажил тодорхой хэмжээнд хийгдсэн гэдгийг хэлж байлаа. Гүйцэтгэгч компаниудын төлөөллүүдийн хэлж байгаагаар шинэ хичээлийн жил эхлэхээс өмнө сургууль, цэцэрлэгийн барилгуудыг улсад хүлээлгэн өгнө гэсэн юм.


Концессийн гэрээгээр баригдаж байгаа сургууль, цэцэрлэгийн барилгын ажил удаашралтай байна  
Үзсэн: 156 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй