Шууд Chart

Тамхины эсрэг аянд цагдаагийн алба хаагчид нэгдлээ

2019-04-15 15:39:18

ДЭМБ-аас жил бүр уламжлал болгон зохион байгуулдаг “Дэлхийн тамхигүй өдөр”-ийг энэ жил “ӨДӨР БҮРИЙГ ТАМХИГҮЙ ӨДӨР БОЛГОЦГООЁ” уриан дор ирэх тавдугаар  сарын 31-нд тэмдэглэн өнгөрүүлэх гэж байна.

Тус өдрийг угтаж “Эрүүл цагдаа”, “Тамхигүй Улаанбаатар” хөтөлбөрийн хэрэгжилтийг хангах зорилгоор “Тамхины хорт зуршил, дам тамхидалт, түүнээс урьдчилан сэргийлж, таслан зогсоох арга зам”, “Эрчүүдийн эрүүл мэнд” сургалт, өдөрлөгийг Нийслэлийн Эрүүл мэндийн газар, Нийслэлийн Цагдаагийн газар, Наркологийн эмнэлэг, “Рамона медиа” компани, “Штада” төлөөлөгчийн газартай хамтран энэ сарын 5-наас эхлэн зохион байгуулж байна. Сургалтын арга хэмжээнд нийт 2000 гаруй цагдаагийн алба хаагч, ажилтнууд хамрагдах бөгөөд өнөөдрийн байдлаар Баянгол, Сонгинохайрхан, Багануур дүүргийн цагдаагийн хэлтсүүд хамрагдаад байна.

Тус сургалтын зорилго нь нийт цагдаагийн алба хаагч, ажилтан нарт эрүүл мэндийн боловсрол олгох, эрүүл зөв аж төрөх ёс, зан үйлийг төлөвшүүлэх, эрүүл чийрэг бие бялдар, сэтгэл зүйг бэлтгэх, тамхины хорт зуршлаас татгалзах, багасгах сэдэл төрүүлэх, эрэгтэйчүүдийн эрүүл мэндийн чиглэлээр мэдээлэл хүргэж, хамтран ажиллахад оршиж буй юм.

НИЙСЛЭЛИЙН ЭРҮҮЛ МЭНДИЙН ГАЗАР


Тамхины эсрэг аянд цагдаагийн алба хаагчид нэгдлээ  
Үзсэн: 107 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй