Шууд Chart

Визний залилан хийх тохиолдол ихэсчээ

2019-04-23 15:31:09

Сүүлийн жилүүдэд манай иргэдийн гадаадад суралцах, ажиллаж амьдрах сонирхол нэмэгдсэнтэй холбоотойгоор залилах гэмт хэрэг ихээр бүртгэгдэх болсон байна. Иргэд гадаад явах зорилгоор эд хөрөнгөө барьцаанд тавих, бусдаас зээлэх, тусламж авч "Виз найдвартай гаргана" гэсэн нэгэнд ханддаг. Гэтэл "найдвартай" хэмээх амласан этгээд иргэдийн мөнгийг нь авсан даруйдаа л зугтдаг тохиолдол олон гарах болж. Мөн бэлэн мөнгө авсан, өгсөн баримт үйлддэггүй, тухайн хүнээ судлалгүй "аман гэрээ" хийж их хэмжээний мөнгө залилуулсан иргэд хэдэн олноороо тоологдоно. Нэг анхаарал татаж байгаа асуудал бол урьд нь залилангийн хэрэг үйлдэн шүүхээр ял шийтгэгдсэн этгээдүүд энэ төрлийн залилах гэмт хэрэг үйлдэж байна. /цагаачлал, ажил олгох, суралцах, зорчих виз, байнга оршин суух виз гэх мэт/

Визний залилан гэж нэрлэгдэх энэ төрлийн аргаар гэмт хэрэг үйлдэж байгаа этгээдүүдийн арга нь улам найрийсч Монгол Улсаас гадаад улсад оршин сууж байгаа элчин сайд, өргөмжит консулын гарын үсэг, хэвлэмэл маягтийг хуурамчаар үйлдэх, зуучлуулагч болон виз гаргуулах хүсэлттэй иргэдтэй гадаадын иргэдийн нэрээр холбогдох, цахим хаяг, чат, гадаад улсын утасны дугаараар холбоо барин бусдыг хуурах болжээ.  

Тиймээс иргэдийг өөрсдийн биеэр материалаа бүрдүүлж ном журмын дагуу визний мэдүүлэг хүлээн авах төлөөллийн байгууллагад хүлээлгэн өгөхийг анхааруулж байна. Цагдаагийн байгууллага гэмт хэрэг үйлдэгдсэний дараа нь араас нь хөөцөлдөх биш, түүнээс урьдчилан сэргийлэх, таслан зогсоох чиглэлээр олон нийтийг хамарсан олон төрлийн идэвхитэй арга хэмжээг хэд хэдэн үе шаттайгаар авч хэрэгжүүлэн ажиллаж байна. Үүний илрэл нь улс ороны хэмжээнд нэгдсэн болон хэсэгчилсэн арга хэмжээ зохион байгуулах,  хууль сурталчилах, олны танил хүмүүс, ТВ, радио, цахим мэдээллийн хэрэгсэл, сэтгүүлчидээр дамжуулан сэрэмжлүүлэг мэдээллийг хүргүүлж байгаа аж.


Визний залилан хийх тохиолдол ихэсчээ  
Үзсэн: 321 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй